ओंजळभर नात तुझ्या नी माझ्या मैत्रीचं,
ओंजळभर नात आपल्यात रुजलेल्या प्रेमाचं,
या ओंजळीला हात तुझे नि माझे,
या विश्वाचे आपणच राणी नि राजे,
खूप विश्वासाने ओंजळ हि भरलेली,
बिना लग्नाची जणू नवरी नटलेली,
सावरलीस तिला जस बाळ नवं जन्मलेलं,
सुरवंटाचे फुलून फुलपाखरू जाहलेल,
तुझ्या खांद्यावरून उंच भरारी तिची होती,
आभाळात नव्हे तुझ्यातच सामावलेली,
काय झाले अचानक असे जे मीच बिथरली
त्या थरकापाने ओंजळ माजी सुटलेली
वाहून गेले कधी नाते, तेही लक्ष्यात न आले,
माज्या एका चुकीमुळे होत्याचे नव्हते झाले,
ज्या भरवसाने ओंजळ धरलेली,
मिटण्या ऐवजी ती उघड्यावर पडलेली,
भान येताच जागी जेव्हा कर पाहिलेला,
हारून स्वतःशी ओंजळ प्रेमास मुकलेला
सावरली ती ओंजळ माजी तूच प्रेमाने
साथ हि मागितली तू त्याच हक्काने
पुन्हा एकदा भरली माजी विश्वासाची ओंजळ
पण ठिगळागत दिसली ती भरलेली घागर
